دى وصية واحد بلدياتى لابنه فى يوم فرحه
ياريت نعمل بيها كلنا
أعجل واحد فى العاجلين واحد زيك مخه طخين , لساك برضك محتاج لسه يمكن عجلك يطرى وينسى ,
نزعه مرتك من اسرتها تجول كتكوته من عشتها , لما حتيجى تعيش وياك لساك يابنى ما هيش عارفاك ,
كون لها زى امها وابوها وما هتعيش عليها سى السيد, اوعى تمرمط فى اللى جابوها جاعد تحبس فيها وتجيد ,
ابنى حبيبى وضى عنيا صعبه والله يا ابنى عليا , محتاج تسمع منى وصايا وتفتح مخك ويايا , شوف اول و هى تانى وصيه والله كلام ما يخر الميه , اصرف بحبح اوعى تجطر بطل تشخط تؤمر تنطر, وادى التالته وراها الرابعه دى مصيبتك من جهلك نابعه , زى ما تتزين لك اعمل وما تبجاش كده جفل مصدى , واتحمم وماتبجاش مهمل عرجك يا ابنى ممكن يعمى , وادى الخامسه وادى الساته فيه اكلات غير طبج الفته , أى طبيخ تاكله ابجى اتشكر وما يبجاش همك على بطنك , وجبل ما تيجى تنام وتشخر خدها شويه حب فى حضنك ,وادى السابعه وادى التامنه سيرة خير الناس جدامنا , اوعك تبخل عليها بمالك ملزومه منك زى عيالك , لو تخدمها تزيد فى جيامتك دى ام عيالك مش خدامتك , و لو طبجت التاسعه العاشرة تضرب مثل فى حسن العشرة ,لو فيه سر ما بينها وبينك تجلج لو حاجه تخبيها , انت تعينها وهى تعينك واصبر دايما يا ابنى عليها , وعشان ما انت مطيع وكويس اسمع دول و هتبجى الريس , لو تلاجيها فى يوم زعلانه اسمع كبر ابجى حنين , لو يوم ملت او زهجانه رفه عنها دى امرها هين , لو عتجولك يوم طلجنى جولها ما استغناش عنك واصل , اصل كلام المره صدجنى مش زى ماهو لعجلك واصل ,عايزة تطلع وسط كلامك فلته تبين بيها غرامك , او بدها تنزع من عبك اللى خافيه جواته من حبك , جول ما تخافش وابجى رومانسى جول بالصينى جول بفرنسى , جولها حوتام جول اى لاف يو جول بالصينى تشاوشوتشيكو , وانتم جولوا معايا وادعو الله يبارك ليكو وفيكو